Larsap in fuihna thu sawi

Mizoram Larsap, General VK. Singh chuan Mizo thalai zingah ruihhlo leh a kaihhnawih tireh turin Kohhran leh Sawrkar te thawhhona tha tak neih a tul thu a sawi.

Larsap hi nimin Pathianni khan Mission Veng-a English Congregation Church-ah inkhawmin thu a sawi a, he hunah hian Larsap chuan kan Mizo thalaite chu ruihhlo leh a kaih-hnawih reng rengah inthiarfihlim a, an hma hun atana hmathlir tha tak nei turin fim taka awm a pawimawh thu a sawi a; thlarau lama kaihruai turin Kohhran hruaitute a ngen bakah Sawrkar pawh ruihhlo umbo kawnga theihtawp chhuah chhunzawm zel turin a fuih a ni.

Governor hi Kohhran member te'n tawngtai sakin, a hun remchang apiangah Kohhran programme-a tel turin an sawm a; Ruihhlo umbo chungchang pawh inkhawm banah Kohhran member te nen sawiho bawk a ni.