Thenzawl Laural Branch MHIP ten nimin-a MHIP Day vawi 51-na leh an Branch dinchampha vawi 25-na lawmna an neih chu Serchhip Bialu MLA leh Chief Minister Lalduhoma nupui, Liansailovi chuan khuallian niin a hmanpui a. Laural Branch MHIP te lawmpuina thu sawiin, kum 25 chhunga an Branch lo kaihruaitute chungah lawmthu a sawi bakah an kal zelna turah duhsakna a hlan bawk. Nu te chu pasalte kaihhruaina hnuaia awm tur an nih thu pawh khuallian hian sawiin, “Chhungkua ah thuneitu ber nih kan tum kher tur a ni lo. Chutih rualin, kan pasal fanauten kawng dik lo an zawh tur erawh chu kan dodal ngamin, kawng dik kan kawhhmuh ngam tur a ni thung a. Nuin kan sawi fo chuan kan pasal te pawhin zawm chin an nei nge nge thin. Fate enkawl kawngah thu tha sawi hi thil harsa lutuk a ni lo va, entawntlaka nun hi a pawimawh zawk. Kan fate hian ngawi rengin kan awm dan hi an entawn mai thin. Chuvang chuan entawntlakin nung ang u,” tiin MHIP member kalkhawm te a chah bawk.
Thenzawl Laural Branch MHIP ten nimin a MHIP Day leh an Branch Silver Jubilee an lawmna hi Thenzawl Field Veng-a MHIP Run-ah neih a ni a, an President J. Lalhriatpuii chuan kaihruaiin an member kum 70 chin chunglam te hnenah lawm-puina thilpek an hlan bawk a ni.
.jfif)
Comments
Post a Comment
I ngaihdan i sawi hian mipui ngaihdan i tarlang a ni!