Thenzawl Peace City Master Plan sawiho a ni
He hunah hian Chief Minister Lalduhoma chuan, Thenzawl-ah hian tuihna tha tak tak a awm nual thu leh Fur-ah phei chuan chenna In te a chim hial thin tih sawiin, “Kan Master Plan-ah hian khaw lailia lui mawi tak, Dil nalh tak leh a chhehvel ram mawi tak a awm ngei tur a ni a. Sawrkar hmunhma, nakin zela kan la chhawr tangkai tur kan ruahman a ngai bawk ang. Tlang rama Plan City, mawi leh khualzin hip tak, chenna atana duhawm si ruahman ngei kan tum dawn nia,” a ti bawk.
Thenzawl-ah hian mihring singkhat vel cheng mek anga ngaih a ni a, ram SqKM 108 huam-chhung velah Plan hi siamin Urban Area bik chu SqKM 82 ang vel tura chhut ni ta se; mipui bit zawng hi 100 persons per hectare a nih chuan mipui nuai sawm vel chu thawl nuam takin an khawsa thei tura ngaih a ni a. A tul anga tihlen chhoh zel theih a ni bawk anga. Agency rintlak leh hmingtha ngei thlan tum tlat nise an tih bakah sawrkar atanga Peace City buaipuitu tur bik Special Purpose Vehicle pawh din an rel bawk.
‘Thenzawl Peace City’ hi Aizawl khawpui tawt lutuk tihziaawmna leh Mizoram in khawpui changkang zawk a neih theihna tura Chief Minister Lalduhoma hmalakna a ni a. Central sawrkar thuneitute vawi engemaw zat a sawipui tawh a. Tunah hian Master Plan siamna turin cheng vbc. 10 an rawn phalsak ta a ni. Master Plan atana Ministry of Housing & Urban Affairs in Mizoram sawrkar hnena cheng vbc. 10 a rawn phalsak atang hian a bultanna tur cheng vbc. 1 (10%) chu an rawn release tawh a. Plan siamtu tur Agency thlan fel hunah 25% an rawn release leh anga, Draft DPR submit hunah 35% rawn release in Final Submit hunah 30% an rawn pechhuak leh dawn a ni.
Comments
Post a Comment
I ngaihdan i sawi hian mipui ngaihdan i tarlang a ni!