Tarpho YMA kum 50-na lawm

Hnahthial Sub-Hqrs. YMA huamchhunga awm Tarpho Branch YMA kum 50-na, Golden Jubile lawmna chu chu nimin atang khan Tarpho Community Hall-ah neih tan a ni a, Vawiin hian chhunzawm a ni ang. Nimin-a Tarpho YMA Golden Jubilee lawmna hun hi Bialtu MLA Jeje Lalpekhlua chuan khuallian nia hmanpuiin YMA chu pawl ropui tak, khawvel hnamdangte neih ve loh, tlawmngaihna kengkawhtu pawl a ni tih sawiin, “YMA chu chhiatni thatni-ah pawh a bul tumtu leh hmahruaitu, mi rethei leh hausa thlei bik lova mipui kaihruai thin, pawl thianghlim tak, riangvai leh chanhaite thlamuantu pawl pawimawh tak a ni,” tiin Golden Jubilee an thleng thei chu a lawmpui thu a sawi a. Community Hall chei thar nan cheng nuai hnih (2) a hlan nghal bawk.