PHE Deptt. in hma la zel

Tunhnai ruahsur avanga PHE Department in mipuite hnena Tui sem lama harsatna an neih chu sutkian tumin chak taka hmalak mek a ni.
PHE Department-a thawktute hnen atanga LENKAWL in thu a dawn danin tunhnaia ruahsur ah khan Tuikum lui atanga VT Pump hmanga Tui an pump-na ah chirh a luh nasat avangin Tuikum lui tui hi pump theih a ni rih lo a, tunhma lama Fur chhunga a bul-a kawr tui an lak thin chu leivung paih avanga lak theih a nih tawh loh avangin tunah hian Tui pump theih a ni rih lo a, VT Pump-a chirh lut hi thenfai a nih hnuah tui hi pump theih beisei a ni.

Hetihlai hian Serchhip IOC Veng atanga Booster Pump hmanga Serchhip Bazar lam pang Tui pekna line chu LFCS tlaklam ah leimin vangin a chhia a, he line chhia siamthat hna hi ngawrh taka thawh a nih hnuah nimin khan peihfel a ni a, harsatna dang a awm a nih loh chuan Tuikum lui atanga Tui pump theih a nih hnuah Booster Pump atang hian Bazar Area lamah Tui hi pump theih beisei a ni.