Larsap hovin Ropeway sawiho

Mizoram Larsap, General (Dr) Vijay Kumar Singh chuan nimin khan Ministry of Road Transport and Highways (MoRTH), National Highways Logistics Management Limited (NHLML) leh Urban Development & Poverty Alleviation (UD&PA) Department hotute Raj Bhavan-ah kawmin, Sawrkar laipui 'National Ropeways Development Programme - Parvatmala Pariyojana' hmanga Mizorama Ropeway siam a nih theih nana pawimawhte a sawipui.

He hunah hian Larsap chuan khawpui tawt zel tur ven nan ruahmanna hrang hrang neih a pawimawh thu leh hmalak ran chu thil tihmakmawh a nih thu sawiin, tun dinhmun ah Aizawl-ah hmun awl a tam tawh loh avangin Sawrkar project kalpui turin Aizawl khawpui chhung chauh melh lova, hmundangte pawh ngaihven tel zel a tul thu a sawi a. Inkalpawhna leh mipui veivahna te chu ngaihven hmasak ngai a ni tih sawiin, tlangrama chengte inkalpawhna atana Sawrkar laipui projectttha tak Parvatmala chu tangkai taka hman a nih theih nana hmelhriata chhawr tangkai a tul thu a sawi bawk.

He hunah hian MoRTH-a Addl. Secretary Vinay Kumar chuan Mizoram-a Ropeway project kalpui turin theihtawp chhuahpui an inhuam thu a sawi a. An hnuaia kalpui Parvatmala chu tlangrama inkalpawhna siam nana project tangkai tak a nih thu leh hemi atanga revenue 90% chu khawtual hmasawnna thawh nana hman theih a nih thu a sawi bawk.

UD&PA Secretary Lalmalsawma Pachuau pawhin he hunah hian PowerPoint Presentation hmangin Aizawl khawpui leh a chhehvel a Ropeway Corridor hrang hrang din tura ruahmanna siam, 'Ropeways Under Aizawl Sustainable Urban Transport Project (ASUTP)' chungchang a sawifiah a, Aizawl leh a chhehvel 280 Sq. Km-azau ah khawpui tawt tihziaawm nana rua-hmanna siam te a tarlang a ni.