CM in Mizoram PAG a kawm

Chief Minister Lalduhoma chuan nimin khan a Office-ah Principal Accountant General of Mizoram L. Hangsing IA&AS chu kawmin Mizoram sawrkar leh Comptroller & Auditor General of India thawhhona tha zawk neih dan tur a sawipui a. Chief Minister hian Mizoram-ah hun nuam tak hmang tura duhsakna hlanin, Public Account Committee-ah tum thum lai a lo awm tawh avangin sawrkar sum Audit leh enfel kawngah Accountant General nena thawhhona tha neih a tangkai zia a hrechiang thawkhat tih a sawi a, inpawh taka an kal a ngaih thu PAG thar hi a lo hrilh a ni.

He hunah hian Principal Accountant General of Mizoram L. Hangsing chuan Mizoram sawrkar nena thawhhon dan tur a rawtna lehkha in Chief Minister hnenah hian a thehlutin, a tulna apianga State sawrkar thawhpui turin an inpeih thu sawiin, “Hman tangkai theih kan ni,” a ti. Coordination Committee din a, inhretawn zela engkim kalpui nise tiin hmalakho dan tur an sawi a ni. He hunah hian Chief Minister hi Vanlaldina Fanai, Commissioner & Secretary to Chief Minister chuan a tawiawm a ni.