Serchhip Venglai-a PWD ram chu Vantlang kut-ah hlan tum a nih avanga a ram chin leh a bulhnaia mimal ram en mai-a hnawk deuh nia lang te chinfel sak tura Serchhip Town Development Committee in tunhnaia Bawrhsap hnena an thlen angin nimin khan helai ram hi enfiah a ni a. He hunah hian Serchhip Town Development-a tel pawl hrang hrang hruaitute leh Serchhip Kawnpui North VC te bakah PWD-a thawktute telin PWD ram bula Inhmun nei te chu an Pass/LSC neih te enfiah sak an ni a, hemi hmang hian PWD ram chin hi enfel niin a theih ang anga humhalh zui tura ruahman a ni.
Tarlan tawh thin angin Chief Minister kalchhuak ta Zoramthanga khan Serchhip Veng-lai-a PWD ram chu Vantlang kut-ah hlan a nih tur thu lo puang tawhin, helai hmuna PWD Quarters awm mek te thlakna turin New Ser-chhip-a PWD ram-ah Quarters hi sak tura tih a ni a. Sawrkar a inthlak hnuah Chief Minister Lalduhoma hovin he hmalakna hi bawhzui zel niin helai ram hi Vantlang kut-ah hlan thuai tum a ni a, mipui tana hman tangkai dan tur pawh ruahman mek a ni bawk.
.jfif)
Comments
Post a Comment
I ngaihdan i sawi hian mipui ngaihdan i tarlang a ni!