Sawhthing sawngbawl zirho

Mizoram Agricultural Marketing Board (MAMB) hmalakna in nimin khan CMERI, CDAR Post Harvest Processing and Research Centre, Airfield-ah Sawhthing sawngbawl dan (Ginger processing) chungchang inzirtirna hun buatsaih a ni a, he hun hmanpuitu Adviser to CM (IHHP) leh MAMB-a Co-Chairman Dr. KC Lalmalsawmzauva chuan Sawhthing chu a hring ringawt a hralh lovin hmun hla zawkah kan thawnchhuah theih nan leh hnamdangin Mizoram Brand an lo hmelhriat theih nan hmalak mek a ni tih a sawi a, kumtluan a sumdawnna ngelnghet kalpui tura tang tlang zel turin a sawm bawk.

Mizoram a Sawhthing thar te awmze nei zawka hralhchhuah anih theih na turin MAMB chuan kawng hrang hrangin hmalakna a kalpui mek a. Heng zinga pawimawh tak Slice Dry Ginger siamchhuahte chu India ramchhung mai bakah rampawn thleng pawh a hralhchhuah anih theih nan quality tha leh rintlak processor/entrepreneur ten an siam a sumdawnna ngelnghet dinchhuah anih theih nan he training hi buatsaih a ni.