SAGY hnuaia hmalakna Serchhip-ah thlirho a ni
He thlirhona hun Serchhip DC Meeting Hall-a neih hi Rural Development Department-a Addl. Secretary V. Lalengmawia chuan rawn telpuiin Bawrhsap Paul L. Khuma kaihhruaiin thutkhawm hi neih a ni a, he hunah hian Model Village kaih-hnawih Line Department aiawhte pawh telin SAGY hnuaia hnathawh te chu a tha thawkhata ngaih a ni a, hmachhawp la awmte chu theih ang anga bawhzui tura rel a ni.
Thingtlang khua ten sawt zawka hma-sawnna rahbi an rah theihna turin SAGY hi sawkar laipui chuan a duang a. Lok Sabha leh Rajya Sabha MP ten thingtlang khua an duh ber ‘Model Village’ atan an thlang a, heng an thlanchhuah khuaah te hian sawrkar laipui scheme hrang hrang te kalpuiin a theih chin chinah State scheme te nen chhunfin a ni a. DC kaihhruaina hnuaiah Monitoring Committee din niin hmalakna hrang hrang te an vil a. Serchhip District-ah hian SAGY hnuaiah Model Village atana Member of Parliament (MP) ten an thlan khaw pali a awm a. Kum 2014-a Lok Sabha MP CL. Ruala thlan Khawlailung leh Rajya Sabha MP Ronald Sapa Tlau thlan Chhiahtlang te bakah kum 2021-a Lok Sabha MP C. Lalrosanga thlan Khumtung leh kum 2023-a Rajya Sabha MP K. Vanlalvena thlan North Mualcheng khua te an ni.
Comments
Post a Comment
I ngaihdan i sawi hian mipui ngaihdan i tarlang a ni!