President in Padma Awards a sem

President Droupadi Murmu chuan nizan dar 6:00 khan New Delhi-a Rashtrapati Bhavan-ah India ram Civil mite chawimawina sang, Padma Awards a sem a, Mizoram atangin R. Lalrawna chuan he chawimawina hi a dawng a ni.

Padma Awards hi chi thum-ah then niin, Padma Vibhushan, Padma Bhushan leh Padma Shri te a ni a, kumin hian sawrkar laipui chuan Padma Awards dawng turin mi 139 a thlangchhuak a, heng zingah hian Padma Vibhushan chu mi 7 in an dawng a, Padma Bhushan mi 19 in dawngin Padma Shri chu mi 113 in an dawng bawk a. Chawimawina dawngtu zingah hian Hmeichhia 23 awmin thih hnua dawng mi 13 an awm a ni.

Mizoram atangin Padma Shri hi R. Lalrawna, Electric Veng chuan a dawng a, R. Lalrawna hian thu leh hla lama a thawh hlawk avangin Padma Shri Award hi dawngin a hma lamin chawimawina chi hrang hrang a lo dawng tawh a, nikum 2024 pawh khan Bhasan Samman Award (Sahitya Akademi) a dawng tawh a ni.