NLUP hlawhtlinpui tih sawi

Congress Party chuan nimin khan Aizawl a Congress Bhavan Golden Hall-ah Political Session neiin he hunah hian MPCC Legal Department Chairman TT. Zothansanga chuan thu a sawi a, “Congress sawrkar laia hlawhtling taka kan kalpui NLUP kha mi thenkhatin 'Sem Policy' tiin min sawisel sak thin. NLUP kha 'Sem Policy' a ni ngawt lova, mipuite eizawnna bul tan sakna, an hmalakna atana lungrem sak ang a ni a, opposition te hian an huphurh vanga maia sawisel thin an ni,” tiin “NLUP kha a hlawhtling vek lo ang, mahse mi tam takin an hlawhtlinpui,” a ti bawk.