MPCC Political Session nei

Mizoram Pradesh Congress Committee (MPCC) chuan nimin khan Aizawl-a Congress Bhavan-ah Political Session an nei a, he hunah hian MLA hlui leh Research Cell Chairman T. Sangkunga chuan Zoram mipui ten Congress sawrkar kha an ngai nia a hriat thu a sawi a. Tun sawrkar-a sawrkar hnathawk te an inchhir nia a hriat thu te, ranvulhtute an mangang nia a hriat thu te sawiin, “Sum leng vak tlemah harsatna namenlo kan tawk mek a, kan la tuar dawn chauhin a lang,” a ti a. “Congress sawrkar lai kha chuan hmun tinah project sanction a chhuak nguah nguah mai a ni. Tunah hi chuan a awm reng reng lo,” a ti bawk.