CM in Lungleng a tlawh

Chief Minister Lalduhoma chuan Inrinni khan Lungleng khua tlawhin an khaw ramah Territorial Army Batallion Hqrs. hmun tur remchang a awm dawn em tih a en thlithlai bakah Bethel Ministry in Human Development Centre din an tumna hmun a enpui nghal bawk a. Social Welfare Minister Lalrinpuii leh Bialtu MLA Baryl Vanneihsangi bakah Bethel Ministry-a Speaker Frederick Lalrin-dika leh a Team te leh Lungleng khawtlang hruaitu ten an tawiawm a ni. Heng hmun an en hnu hian Lungleng lal Khamliana In kawtah an inkawm nghal a, Lungleng khawtlang hruaitute hian an khawtlang mamawh hrang hrang an lo thlen a ni.