CSR atangin Bus 2 hlan

Indian Oil Corporation Limited (IOCL) chuan an CSR Fund atangin Gilead Special School, Bawngkawn tan School Bus pahnih an pe a, Zirtawpni khan inhlanna hun hmangin Adviser to CM TBC. Lalvenchhunga chuan a hmanpui a ni. Gilead Special School hi Spastic Society of Mizoram din a ni a, IOCL-a Deputy General Manager Z Lhungdim chuan CSR chu PSU an nih anga an tih ngei ngei tur a nih thu leh a bawhzui leh haichhuah lamah Gilead Special School hruaitute hmalakna chu ropui a tih thu a sawi a. Ephatha Society tan School bus te, Civil Hospital te tan Dialysis hmanrua hrang hrang te an lo pek tawh thu sawiin, hmalak mekna an neih thu a sawi bawk.