LBS Suzuki Inter Branch YMA Football Tournament khelh mekah nimin khan Round of 128 khelh niin Chhekhnai Branch YMA chuan an khingpui Meidum Branch chu si sawm faiin an hneh a, Chhekhnai Branch tan Lalthuthlunga chuan goal thum khungin hattrick a siam a, Lalsangzela, Lallawmawma Bawihtlung leh Lalrinzuala Hauhnar ten goal hnih theuh an khung a, PC Lalrinkima chuan goal khat a khung bawk a ni. Inkhel dangah East Lungdar Venghlun Branch erawh a vanduai zawkah tangin Reiek Branch lakah 2-5 in an tlawm a ni.
Vawiin hian Field pali-ah match thum theuh khelh leh a ni dawn a, Serchhip Sub-Hqrs. huamchhung atangin chawhma dar 10:00-ah Keitum leh Armed Veng South te MSSC Ground, Muallungthu-ah inhmachhawnin Chite Veng Playground-ah chawhnu dar 2:30-ah Khawbel leh Durtlang Leitan Branch te an inhmachhawn anga, Round of 128 khelh zawh a ni ang.
