Serchhip-a Industrial Estate neih tur sawiho a ni
Serchhip DC Meeting Hall-a he sawihona hunah hian Bawrsap Paul L. Khuma leh sawrkar Official te bakah khawtlang mipui aiawhte an tel a, he hunah hian C&I Director chuan Serchhip District-ah Industrial Estate chawikanna tur Project thehluh a ni dawn tih sawiin, Revenue Department te nen an enho hnuah District Industry Centre (DIC) Complex, Darnam Tlang chu Industrial Area a puan leh a hmun a zim avangin Plug & Play Facility (Flatted Factory) dah nise tia an rel thu a sawi a. Darnam Veng mipuiten Office sawn an phal loh avanga harsatna awm chungchang sawifiahin, Office lak sak ni lovin a aia changtlung zawk an neihna tur ruahmanna a ni zawk tih khawtlang hruaitute a hrilh a ni.
Flatted Factory hi building pakhata Factory/Unit tam tak awm theihna tur a ni a. Serchhip District pawh hian Flatted Factory a neih ve ngei theih nan hmalak mek niin Rs.14,99,00,000 hu Project siam mek a nih thu Maria CT. Zuali chuan a sawi a. Serchhip-a Flatted Factory Complex hi square meter 2000 bial chhunga sak tum niin thil siamchhuahna hmun tur a nih angin kawtkai zau tawk tak awm tur a duan a ni a. Unit hrang hrang 24 tan hmun awl awm tura ruahman niin Unit pakhat in mi 3 zel chhawr thei tur anga chhutin heng Industrial Unit-ah te hian mi 72 in eizawnna an nei thei tura beisei a ni. Heng Industrial Unit te hian a vaiin kum khat ah sum chevel cheng vbc. thum (3) bawr vel nei tura ngaih a ni bawk.
Darnam khawtlang hruaitute hian an area chhunga Industrial Estate awm tur chungchang hi a thuphungin an pawm a. Darnam Venga cheng mipuiten a nih phung tur an hriatthiam theih nan tukin hian DCIO Lalchhanhimi chuan mipui kokhawmin inhrilhfiahna hun an hmang dawn a ni.
Comments
Post a Comment
I ngaihdan i sawi hian mipui ngaihdan i tarlang a ni!