Ngaizel leh Hlimen kham-a lei tla thin sawiho a ni

Ngaizel leh Hlimen kham atanga lungtla thin tihreh dan tur chu nimin khan CSIR-CIMFR-a Chief Scientist Dr. C. Sawmliana hovin Aizawl District Disaster Management Authority hotute nen sawiho a ni.

He thutkhawm ah hian Dr. Laldinpuia, Associate Professor, MZU leh Dr. Remruatfela, Asst.Professor, PUC ten Power point presentation hmangin Ngaizel leh Hlimen kham leh a leilung an lo zir tawhna chanchin chu an entir a, a inven dan leh tihnep dan ( preventive leh mitigation measures) te an tarlang bawk. Mithiam te chuan Real time Landslide early warning system chu a rang lama Ngaizel leh Hlimen bakah Aizawl AMC huamchhunga leimin awm thinna hmunah te dah thei nise tiin an rawt a, Landslide Early Warning System hi cheng nuai 13 vel sengin 50 vel lei theih rin a ni.

Hemi hnu hian Dr. C. Sawmliana chuan permanent solution a awm theih nan rawtna a neih te tarlangin, Mizoram a kan mithiam te nen tangho in hetiang lama expert company te DPR siam tir a, anmahni thawhtir nghal a that thu a tarlang a. Permanent solution nei tur chuan sum sen a sang dawn a, DPR felfai tak nen Central lama thehluh vat chu a kawng hmang ber ni a hriatthu a tarlang bawk.