MJA (SD) ten CM an kawm

Mizoram Journalists’ Association (MJA) Ser-chhip District hruaitute chuan nimin khan Chief Minister Lalduhoma chu a Pisa-ah hmuin Serchhip khawtlang thil pawimawh hrang hrang an sawipui.
MJA Serchhip District hruaitute chuan Serchhip Auditorium thiah tura hmalakna chungchang ah Hall thar sak leh tur Serchhip Town Hall awmna hmun ah sak rawtin Chief Minister pawh hian Serchhip Bawrhsap chu be nghalin Detail Project Report thawn thla rang turin a ti nghal nia thudawn a ni a, hemi atana sum tul chu Chief Minister hian a lo bawhzui thung ang. Serchhip Auditorium hmun hlui tur ah Volleyball Court, Mini Park, Tennis Court leh Open Gym dah dan ngaihtuah nise an ti bawk.

MJA hruaitute chuan Serchhip Venglai a PWD hmun chungchang pawh CM hi sawipuiin, Chief Mnister chuan hmalakna kalpui mek a nih thu leh peihfel a nih tep thu a lo hrilh a, Serchhip Hospital building sak mekah Block C leh D te chu Steel Structure a sak chungchang bakah Paraglyding Take-off Point leh Landing inkar Ropeway siam chungchang pawh CM hian a lo hrilh bawk a ni.