Dan lova ramsa tawlhtu nia hriat mi 6 man an ni

Champhai Forest Division-a thawkte leh Assam Rifles tangkawp chuan Zokhawthar-ah ramsa tawlhruk leh a mawhphurtu mi 6 an man.

Thudawn danin niminpiah khan Champhai Forest Division a thawkte leh Assam Rifles tangkawp chuan Zokhawthar-ah hian ramsa chi hrang hrang tawhlruk Burma saphai 1, African Satel 27 leh Patagonian mara 3 an man a .Heng ramsa Indo-Myanmar International border kaltlanga tawlhruk a inhnamhnawih ni a hriat mi paruk- Jessie Lalnunmawia, Zokhawthar; Biakzapianga, Zokhaw-thar; Thawnsuangmuang, Khawmawi (Myanmar);  Lalzuitluangi, Zokhawthar, Denga, Zokhawthar leh Lalhmangaihthanga, Zokhawthar te chu man niin Jail-ah khung nghal an ni a. Heng ramsa tawlhruk an man te hi cheng nuai 130 hu vel ni a chhut a ni.

Hei bakah hian March ni 26, 2025 khan Khawzawl Wildlife Division staff te chuan Wildlife (Protection) Act 1972 kalh a Sakhi (barking deer) leh Varung kaptu nia hriat  Biakchung-nunga, Khawzawl Lungvar Veng chu an man bawk.