Sava leh ramsa veh khap

Zonuna Kawlni /

Serchhip District Magistrate chuan ramsa leh sava te veh leh kah khapna thupek a tichhuak.
 Hemi chungchanga thupek a chhuah ah Serchhip District Magistrate chuan nipui kan lo chuankai leh dawn tak thu leh heng hunlai hian mi then-khat ten silai hrang hrang leh hmanraw dang hmangin kan ram-a Sava pem chi, kan ram rawn paltlang thin Sava te bakah kan rama Sava awmsa te leh ramsa te an pel thin tih hriat a nih thu a tarlang a. Heng avang hian ramvak karah inkahpalh avanga nunna hial chan pawh an lo awm tawh thin thu tarlangin, kan chhehvela nungcha chi hrang hrang te an chereu mai loha humhalh an nih theih nan leh ramvah avanga nunna chan an awm loh nan Section 163 of Bharatiya Nagarik Suraksha Sanhita, 2023 tlawh chhanin ‘Serchhip District huam-chhungah mi tumah in Air gun/Air Rifle, silai, sairawkerh leh hmanraw dang hmangin ramsa leh sava reng reng an vehin an kap/man tur a ni lo’ tih thupek a chhuah a ni.

He thupek hian chhuah a nih atanga thla 2 (hnih) chhung a huam anga, thupek zawm lo te chu Section 223 of Bharatiya Nyaya Sanhita, 2023 dan hmangin hrem theih an ni ang.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »