Ruihhlo-a fihlim turin chah

Health Minister Lalrinpuii chuan nizan hmasa khan Lunglei Chanmari YMA Hall-a HPC MVA Cup hawnna hun hmanpuiin Mizo thalaite chu ruihhlo laka fihlim tum tlat turin a chah a. Ruihhlo leh HIV/AIDS-in Mizoram a run mek chu a runthlak takzet tih sawiin, infiammite leh Mizo thalaite chu ruihhlo laka fihlim tum tlat tur leh mipat hmeichhiatna kawngah invawng thianghlim a, HIV/AIDS lakah fimkhur zel turin a chah a ni. HPC Lunglei MVA Cup 2025 hi March ni 6 atanga khelh tura ruahman a ni a. Mipa-ah Mizoram-a Pro Volleyball Club panga - Chhinga Veng Spikers, Khawbel, Sihphir, TNT leh Tuichangral telin Hmeichhia-ah Pro Volleyball Club pathum - Bungkawn, Kolasib leh Luangmual te an tel a ni.