Ration Card siamsak duh lo

PC Party chuan kan ram-a raltlan awm mek te chu awmze neia khuahkhirh leh enkawl an duh thu leh Ration Card siamsak an duh lo tih thuchhuah siamin an tarlang a, “Kan chhevel ram leh State-a buaina hrang hrang avangin kan ram ah raltlan tam tak kan kawl mek a. Awmze neia khuahkhirh leh enkawl an nih loh avangin harsatna kan tawk tam tial tial a. Hetianga kan kal zel chuan harsatna kan tawh belh zel dawn mai ni lovin buaina hial kan la tawk ang tih kan hlau a. Chuvang chuan raltlan te hi Refugee Camp siam sak thuai a tul kan ti,” an ti bawk.