Serchhip District Bawrhsap chuan tunhnai khan hriattirna tichhuakin Myanmar ram buai avanga Mizoram chhunga raltlan Myanmar mi ten India khua leh tui te chanvo leh India khua leh tui nihna lantirna lehkha pawimawh an neih ve a thiang lo tih a tarlang a. India khua leh tuite chanvo leh lehkha pawimawh - Voter ID, Aadhar Card, Birth Certificate, Ration Card etc. te chu Village Council leh branch YMA te hriatpuina tel lo chuan pekchhuah a nih ngai loh thu tarlangin, hei vang hian heng Myanmar atanga raltlante hnena khua leh tui nih hriatpuina (recommendation) pechhuak lo turin Serchhip District chhunga Village Council zawng zawngte leh YMA Branch zawng zawng te a ngenin a hriattir a ni. Hei bakah hian Bawrhsap chuan Sawrkar Office hrang hrang heng lehkha pawimawh pechhuak thin te pawh Myanmar mite hnena hetiang lehkha pawi-mawhte pe chhuak lo tura fimkhur turin a hriattir bawk a ni.
Comments
Post a Comment