MP in lungphum a phum

Mizoram Lok Sabha MP Richard Vanlal-hmangaiha chuan nimin khan Vairengte College Building sakna tur lungphum a phum a, inlungrual leh thahnemngai taka zirna sang College an neih theihna tura Vairengte All NGO te, All Party, sawrkar hnathawkte leh khawchhung mipuite hmalakna chu fakawm a tih thu sawiin, Zirna lam ngai pawimawha ke an pen dan chu entawntlak a tih thu a sawi a. College building sakna tura an bultanna chu a chhunzawm zelna tur pawh sawrkar laipuiah a remchan theihna hrang hrang dapin hma a lakpui tur thu a sawi bawk. Vairengte College Building sak hna hi khawtlang sum tuak hmanga bul tan tur niin Vairengte SDO (C) H. Vanlalbiakzaua chuan he hun hi a kaihruai a ni.