I&PR Minister in MISA Conference a hmanpui

Mizoram Information Service Association (MISA) chuan nimin khan Annual Conference hmangin I&PR Minister Dr. Vanlalthlana chuan a hmanpui a ni.

Aizawl-a I&PR Conference Hall, Lianchhiari Run-a MISA Annual Conference-ah hian Dr. Vanlalthlana chuan Mizoram Information Service Officer-te chu sawrkar leh mipui inkara palai hna thawktu pawimawh tak an ni tih inhre reng tura chahin, tunlai khawvel thiamna ttang zelah anmahni pawh intuaithar reng tur leh inzir thar zel turin a chah a. Khawvel mit hmuha Mizoram leh Mizoram sawrkar hmel phochhuaktu chu MIS Officer te an nih thu sawiin, an hnathawh hrang hrangah thil thar leh tangkai ngaihtuah chhuak tura rilru seng zel turin a fuih bawk. I&PR Minister chuan Department kaltlanga mipui rawngbawl hna sawt zawka kalpui a nih theih nan a tul angin amah finchhuah zel turin MIS Officer te chu a chah a, a tul a nih phawt chuan amah ngei pawhin bawhzui ngaite a bawhzui hreh dawn loh thu a sawi a ni.

MISA Annual Conference hi I&PR Deputy Director Pratap Chhetri chuan kaihruaiin Director C. Lalnunkima pawhin thu a sawi a, an pawl President Malsawmsanga’n a tarlan danin MIS Junior Grade post awm atangin za zela 56 chu hnawhkhah a ni lo a, Aizawl District vil tur Information & Public Relations Officer pakhat chauh a awm a, MIS Officer te hnathawh dan hrang hrangte a tarlang bawk.