College Part Time Teacher-ah hnawl ngam turin ngen

Mizo Students Union (MSU) chuan College Part Time Teacher atana lak NET emaw, Ph.D nei lo te chu huaisen taka hnawl ngam turin sawrkar an ngen tih an sawi.

    Nimin-a Aizawl Press Club-a thuthar theh-darhtute an kawmna ah MSU General Hqrs. hruaitute chuan tunhnaia Part Time Asst. Professor mi 29, UGC in a phut anga College Zirtirtu tur ten Ph.D degree emaw, NET neilo Unqualified Teacher-te kum khat dang atana an hun an pawhsei chungchang an sawi a. MSU President B. Lalkhawngaihzuala chuan College Casual Teacher hna thawk thei tura sawrkarin NET emaw, PhD emaw nei te chauh chhawr tura hma a lak ang bawkin Part Time Asst Professor te pawh lak nise an duh thu an sawi a. Part Time Asst. Professor mi 29 kum khat dang atana chhawr chhunzawm tura sawrkar in a pawmsak chu an hriatthiam loh thu an sawi a ni. MSU te chuan Casual Teachers te laka huaisen tak leh rualkhai taka hma an lak ang hian Part Time College Teacher te lakah pawh hian duhsak bik nei lova rualkhai tak leh fair taka thutlukna siam turin sawrkar an ngen tih an sawi a, UGC in a phut anga qualification nei lo te kum khat dang chhawr chhunzawm tura sawrkarin approval a lo pek tawh chu sut tura an duh thu an sawi a ni.