FMGE&W ten MUHCS-a huam tir ve loh an duh

Mizoram-a Sawrkar hnathawk inzawmkhawm pawl, Federation of Mizoram Government Employee & Workers (FMGE&W) chuan Mizoram Universal Health Care Scheme (MUHCS) ah Sawrkar hnathawk te huam tir ve lo turin Chief Minister hnenah lehkha an thawn.

    FMGE&W chuan an pawl Special Assembly-ah sawrkarin MUHCS a duan chu a system-ah kimchang lo leh felhlel a la tam avangin tuna an System duan chu siam fel a nih hma chu sawrkar hnathawkte chu hman tir ve lova CSS(MA) Rules 1944 hman zui an duh thu relin Chief Minister hnenah pawh an thlen thu an sawi a. MUHCS chu sawrkar hnathawkte huama April thla tir atanga hman tan tura puan hnan an ni chu an hrethiamlo tih sawiin, MUHCS hnuaiah an hlawh atanga pawisa cut sak an nih mai bakah an senso zawng zawng an bill thei chuang si lo tur chu manganthlak hle dawna an hriat thu an sawi a. MUHCS chu a system kal dan turte siam fel a nih hma chu sawrkar hnathawkte huam tir ve lo turin Chief Minister an ngen nawn thu an lehkha an hian an tarlang a ni.