Ayush hmanga natna enkawl uar tul tih thu sawi

Health Minister Lalrinpuii chuan damdawi to leh chemical chak tak taka siam te ai chuan taksa tana him, tlawm zawk leh mitin ban phak Ayush hmanga natna enkawl uar a tul thu a sawi.

    Mizoram AYUSH Doctors’ Association General Conference vawi 17-na nimin-a Aijal Club-a neih a hmanpuinaah he thu hi sawiin Health Minister chuan World Health Organization (WHO) pawhin ramhmul damdawi hmanga natna enkawl hlutna leh pawimawhna hriain WHO Traditional Medicine Strategy pawh a duan hial thu a sawi a. AYUSH hmanga natna enkawl chu a himin a tha tih sawiin, tun aia chawilar tum turin AYUSH doctor kalkhawm te a fuih a ni.  Mizoram AYUSH Doctors’ Association General Conference-ah hian National AYUSH Mission leh State Medicinal Plants Board chungchang inzirtirna hun hman a ni a. Inthlan leh General Body Meeting-in a chhunzawm a, chawhnu lamah intihhlimna hun an hmang bawk a ni.