VC leh LC tha kan neih a ngai tih sawi

MPCC President Lal Thanzara chuan VC leh Local Council tha kan neih a ngai tih a sawi.

    Nimin-a Thingdawl, Bualpui, Kawnpui leh Lungdai khuate a tlawhna ah MPCC President chuan VC leh Local Council tha kan neih a ngai tih sawiin, “VC tha kan neih loh chuan khawtlang tha kan nei lovang. Khawtlang tha kan neih loh chuan chhungkua leh Kohhran nun thlengin kan tuar dawn,” a ti a. “ZPM sawrkarin an duh duha an kawih hera an in haivur bikna tur an duh avanga khawtlang roreltu te inthlan lo ngai ta hian Congress Party min kai harh a, ZPM leh MNF unau te'n Congress Party nasa takin an zawm phah ta zawk a. Pathian rorelna felzia Congress Party-ah a lang a. Congress Party Mizoram enkawl turin mipuiin an pan khawm chur chur a, tun atanga reilote ah Mizoram mipui tan hna tha kan thawk leh dawn a ni,” a ti bawk.