NE-a Railway hmasawnna atan sum dah tam

Tun thla February ni 1-a Union Finance Minister Nirmala Sitharaman-i’n Union Budget 2025-26 a pharh ah Hmarchhak State hrang hranga Railway hmasawnna tur cheng vbc. 10,440 dah a ni.

    He thu hi Railways leh Information & Broadcasting and Electronics changtu Minister Ashwini Vaishnaw chuan sawiin, ramchhungah Railway hmasawnna tam tak a thleng dawn tih a sawi a, hei hian bungraw changkang zawk, mipui tana him zawk leh nuam zawk a siam dawn, a ti a, Vande Bharat train 200, Amrit Bharat train 100 leh Namo Bharat train 50 te chu hmachhawp zinga mi a ni tih sawiin, heng Rel thar te hi mipui mimir ban phak tura duan a ni, a ti a, kawngchhawnga rel kal tirna tur pawh ngaihtuah niin hmun 1000 ah siam tum a ni a ti bawk. Northeast Frontier Railway hnuaia Rail Station hrang hrang 92 te chu Amrit Bharat Station Scheme hnuaia thuamchak tura hmalakna kalpui anih tur thu tarlan niin Bairabi – Sairang project chu kumin July thlaa zawhfel tura ruahman a ni bawk.