VC Inthlanpui nei turin inbuatsaihna kalpui mek

Karleh Nilaini-a Village Council Inthlanpui neih tur atan Serchhip District-ah inbuatsaihna kalpui mek a ni.
Mizoram District 9-a Village Council leh Local Council Inthlanpui neih ruala Inthlanna kalpui turin Serchhip District-ah ngawrh taka inbuatsaihna kalpui mek niin Political Party hrang hrangte chuan an Candidate tur an tihfel hnuah ngawrh takin Campaign an kalpui mek a, anni bakah hian Independent Candidate te pawhin campaign hi ngawrh takin an kalpui a, Candidate hrang hrangte hian In tin lut lawra an khawngaih Vote dil chu an Campaign dan ber niin mipuite hnena ngenna leh sawmna lehkha sem leh khawlai lunlai-a Poster/Banner tar te chu Campaign dan langsar a ni bawk.

Hetihlai hian Inthlanna buaipuitu sawrkar hotu lam te pawh ngawrh takin an inbuatsaih mek a, tunah hian Ballot Paper chu buaipui fel thawkhat ni tawhin tunkar tawp lamah Polling Official te tana Training vawi hnihna chu neih leh tur a ni dawn a, hetah hian inthlanna a Duty turte chuan Vote an thlak thei tan dawn bawk a ni.

Comments