Serchhip Town Joint VC hruaitu thlanna nei

Village Council Inthlanpui neih zawh taka Serchhip Town chhung VC hrang hranga thlantlin te chu nimin khan inhmukhawmin Serchhip Town Joint VC hruaitu tur an thlang.
    Tun thla ni 12-a Village Council Inthlanpui neih zawh taka Ser-chhip khawpui chhung VC Area hrang hranga thlantlin te hi nimin khan Serchhip Kawnpui VC Hall-ah thukhawmin Serchhip Town Joint VC President B. Vanlalngura chuan a kaihruai a, Serchhip Town Joint VC hruaitu tur thlanna neiin Chairman-ah R. Sanghmingthanga (New Serchhip South VC); Vice Chairman-ah PC. Vanlalvena (Ser-chhip Dinthar VC); Secretary-ah Lalrinmawia Khiangte (Serchhip P&E Veng VC); Asst. Secretary-ah RC. Lalhruaitluanga (Chhiahtlang North VC) leh Treasurer-ah Lalnunsanga (Hmar Veng VC) te thlan an ni. He hunah hian hmalakna tur hrang hrangte sawihona nei zuiin MGNREGS hnuaia hmalakna kalpui zel dan turte pawh an sawiho nghal bawk a ni.