Serchhip Sailiam Presbyterian Kohhran Biak In hawng

Serchhip Sailiam Presbyterian Kohhran Biak In thar chu Inrinni khan Synod Moderator Rev. RC. Lalnghakliana chuan a hawng.

    Serchhip Sailiam a Presbyterian Biak In sak thar hi Synod Moderator hian Inrinni khan hawngin Biak In hlanna Inkhawm chu Chhimchhak Presbytery Moderator leh bialtu Pastor, Rev. Lalremruata kaihhruaiin neih nghal a ni a, he huna tarlan a nih danin Serchhip Sailiam Presbyterian Kohhran Biak In hi tum thum sak that ni tawhin, tuna mi sa tur hian kum 2023 August ni 15 khan lungphum phum a ni a, Biak In hi a dung ft. 62 leh a vang ft. 24-a lian a sain a sakna sum hi Synod atangin cheng nuai 30 an hmuh bakah Kohhran tualchhung sum te hman a ni a, Bial chhunga Kohhran hrang hrang atangin sum leh tha leh bungrua an dawng bawk. Serchhip Sailiam Kohhran-ah hian tun dinhmunah Member 45 an awm mek a ni.