Section 223 of BNS hmanga hremna sawrkar in sawifiah

Sawrkar chuan Section 223 of BNS hmanga hremna hremna pek dan kalphung a sawifiah.
 Hemi chungchanga sawrkar thuchhuah tarlan danin District Magistrate ten an thuneihna huamchhungah mipui himna tichhe thei emaw, mihring hriselna leh nunna lam tana pawi emaw, dan leh thupek kenkawhna kawnga mipuite tana harsatna leh buaina thleng thei venna atan Section 163 of BNSS hmangin Khapna thupek (Prohibitory Order) a chhuah thei tih tarlangin, he khapna thupek bawhchhia te chu Section 223 of BNS hmangin hrem theih an ni bawk tih an tarlang a.

He Section hnuaia hremna kalphung hi mipuiten an hriatchian a ngai hle tih pawh an thu-chhuah ah hian tarlangin, “He Section 223 of BNS (188 IPC) hi chiang taka Dan bawhchhetute hremna a nih avangin Police ten warrant tello pawhin dan bawhchhetu chu an man nghal thei a, FIR pawh an ziahluh nghal theih mai bakah a dan bawhchhiat chu an chhuizui nghalin Final Report Section 193 of BNSS (173 CrPC) hnuaiah an thehlut nghal thei a ni,” tiin khapna thupek bawhchhia te hremna hi an sawifiah a ni.