Kumin April 10-ah YMA Rorel inkhawm neih tum
Serchhip Sub-Hqrs. YMA hian nimin khan Sub-Hqrs. YMA Conference Hall-ah SEC Meeting neiin YMA Sub-Hqrs. Inkhawmpui neih loh kuma neih thin, YMA Rorel Inkhawm chu kumin hi neih kum tur a nih avangin April 10, 2025 khian Rorel Inkhawm vawi 5-na hi neih nise an ti a, hemi atana tul leh pawimawh hrang hrangte an rel bawk a ni. Serchhip Sub-Hqrs. YMA SEC thukhawm hian an Treasurer nilai chu a chawlh avangin a aiawh turin Ramdinmawia Ralte, New Serchhip Venglai Branch chu Sub-Hqrs. YMA Treasurer thar atan an thlang bawk.
Serchhip Sub-Hqrs. YMA hian kumin March 7-a Chapchar Kut hman tur atana a \ul anga hma lo la turin Organising Committee an din nghal bawk a. Central YMA in Chhiatni \hatni kaihhruaina a siam hnua khawhar lenpui chung-chang kalpui zel dan tur sawiho bawkin Town chhunga YMA Branch hrang hrang ten rualkhai taka an kal theihna turin ruang thlak zan a\anga zan thum (3) chu Town Branch ten khawhar lenpui a \halai te hun atan la hman nise an ti bawk.