Kawng-a harsatna enfiah

Mizoram sawrkar-a Commissioner & Secretary leh Empowered Committee-a Chairman H. Lalengmawia IAS chuan Zirtawpni khan Keifang-a NH-06 (Seling-Dulte) kawng laih mek a harsatna awmte chu a hmunah tlawhin a enfiah a. Ram neitute chu an bungrua te sengfel tur leh an In te lo thiat tura hriattir an nih bakah Compensation sem tur chungchanga lungawilo te chu Arbitrator leh Court-ah te an harsatna thlen tura tih an ni a, kawng laih tur hi ram hmasawnna atana thil pawimawh tak a nih avangin harsatna siam lo turin mipuite chu a hriattir bawk.