HSLC Exam neih tan a ni

Mizoram Board of School Education (MBSE) hnuaia HSLC Examination 2025 chu nimin khan neih tan a ni a, kumin hian HSLC Exam Centres 130 a awm a, HSLC Exam tur Candidate 19,303 awmin mipa 9068 leh hmeichhia 10235 an ni a, February ni 12 khan Practical Exam neih tan niin March ni 11-ah Exam hi an zo dawn a ni. Serchhip District-a HSLC Exam Centre 11-ah pawh HSLC Exam hi neih a ni a, Exam tura in ziaklut mi 1048 awmin mi 16 ten an Exam lo a, Exam zawng zawng hi mi 1032 an ni a, Govt. Serchhip H/S Exam Centre-ah Exam tam berin mi 229 an exam a, Govt. Thenzawl H/S Centre-ah 174 exam in an dawt a, St. Peters. HSS Chhingchhip Centre-ah 145 an exam bawk.