Governor in BSF hmun tlawh

Mizoram Governor Gen (Dr) Vijay Kumar Singh chuan Zirtawpni khan Durtlang North-a Border Security Force (BSF) Sector Hqrs. tlawhin thawktute nen an inkawm a. Governor chuan India leh Bangladesh ramri vengtu BSF te hmalakna fakawm a tih thu sawiin, India ram a him zel theih nana theihtawp chhuah turin a chah a. Mipui himna ngaipawimawh tur leh ramri kaltlanga dan lova hmalakna te uluk taka veng tura chahin, mipuite tana luanchhuahna thawh kawngah tan la zel turin a chah nghal bawk. BSF te hian Mizoram bikah India leh Bangladesh ramri KM 318 vela thui ven hna an thawk mek a. Sector Hqrs. Aizawl, Mizoram hnuaiah hian Unit 4 a awm a. Service Company 24 awmin, tun dinhmunah Border Out Post (BOP) 58 an vil mek a ni.

Comments