CM in lawmawm a ti

Chief Minister Lalduhoma chuan Mizoram leh Manipur inkalpawhna Tuivai Lei dawh zawh a ni chu lawmawm atih thu a sawi. Chief Minister hian Instagram account kaltlanga he thu hi sawiin, sawrkarna an chan hnua Manipur lam unau harsatna tawk mek ten mamawh an thlen hmasak ber chu Tuivai lei dawh a nih thu a sawi a, a hmunah a tlawh thu leh feet 200-a sei Bailey Bridge dawh turin hma an la nghal tih a sawi a ni. Thudawn danin Tuivai lei hi Chief Minister Lalduhoma’n February ni 17-a a hawn turin ruahman a ni. ZPM Thalai chuan nimin khan thuchhuah siamin Tuivai lei dawh zawh theih nana Sawrkar hmalakna ah an lawm thu an sawi bawk a ni.