Buhhum qtl. 1400 lei tawh

Mizoram sawrkar chuan Mamit leh Kolasib District-a Leilet neitute thar, Buhhum quintal 1400 chuang a lei tawh a, Buhhum hi nikum December ni 19 khan a vawi khatna atan quintal 480.30 leiin January thla ah vawi li leh February thla ah tum hnih lei a ni tawh a ni. Buhhum hi Mamit leh Kolasib District-a Leilet neitute bakah Society leh FPO kaltlangin kuthnathawk tuten OM OM Rice Mill, Pangbalkawn-ah kg khat Rs. 30 in an hralh thin a, Mizoram sawrkar chuan buhhum hi Om Om Rice Mill atanga leiin, Rice Mill-ah vek hian Ration buhfai atan pekchhuah leh tura ruahman a ni.