Apex Bank Board thukhawm

Zonuna Kawlni (LENKAWL) • February 6, 2025 • Comments • Mizoram

Mizoram Cooperative Apex Bank Ltd. Executive Committee chu nimin khan Aizawl-a Board Meeting Room-ah an Chairman Lalnunsanga hovin an thukhawm a, Society hrang hrangte'n Apex Bank-a share lei an dilna te enfiaha pawm a ni a. Hetih rual hian mimal, pawl leh Kohhran hrang hrangin loan an dilna, avaiin cheng nuai 3525.27 chu pekchhuah an remti bawk. Mimal loan dilna hi sumdawnna (Business), thlai chin, ranvulh leh loneih (Agri & Allied Agri), Housing loan leh PMEGP te niin, avaiin cheng nuai 2245.27 a ni a, Kohhran hrang hrang tana Biak In sakna loan-a sanction hi cheng nuai 1280 a tling bawk. Tun dinhmunah Apex Bank hian Deposit cheng vbc. 1573 an dawn atangin Loan cheng vbc. 1199 an pechhuak a, CD Ratio tehfung-ah 76% a ni.