16th Finance Commission lo zin te lo zin dawn

Tun thla ni 23 atang khian 16th Finance Commission chuan Mizoram rawn tlawhin Serchhip District an tlawh dawn avangin heng mite lo dawnsawn dan tur hi nimin khan Serchhip-ah Bawrhsap Paul L. Khuma hovin sawiho a ni.
Bawrhsap Pisa-a sawihona huna tarlan a nih danin 16th Finance Commission Member te hian an Chairman hoin February 23-ah Mizoram an lo thleng dawn a. Aizawl-a Meeting pawimawh an neih hnuah February 25 khian Thenzawl leh Serchhip panin an rawn chhuak dawn a. Nimin-a Meeting-ah hian venhimna chungchang te, Medical kaihhnawih te, anmahni lo dawnsawn dan tur leh hun hmanpui dan tur hrang hrang te an rel a ni.

Ruahmanna ang chuan Thenzawl-ah hian Serchhip DC Team ten lo dawngsawngin hmun pawimawh hrang hrang an fankual pui anga. Zan-ah an pualin Cultural Dinner buatsaih a ni dawn a. Thenzawl-ah zan riakin a tuk-ah Serchhip atangin Lengpui an pan leh dawn a ni.

Nimin-a thutkhawm ah hian State Protocol Officer Lalmuansanga Ralte, Addl. DC Lalrinzuala, SDO (Sadar), District Medical Superintendent, DIPRO, Treasury Officer, Dy. SP, Tourism aiawh leh mi pawimawh dangte an tel a ni.