VC/LC Inthlan ah MNF Block leh Unit an phur niin sawi

Zonuna Kawlni (LENKAWL) • January 21, 2025 • Comments • Mizoram

MNF Vice President Vanlalzawma chuan Village Council leh Local Council Inthlan lo awm turah MNF Block leh Unit hruaitute an phur niin a sawi.

Nimin-a Aizawl Mizo Hnam Run Chhung Inkhawm ah MNF Vice President Vanlalzawma chuan LC/ VC inthlan lo awm turah MNF Block leh Unit hruaitute an phur thu sawiin, “MNF Block leh Unit an phur chhan chu; ZPM sawrkar a lo pian theihna tura vote-tu tam tak ten ZPM sawrkar an support-na an in withdraw mek vang a ni,” a ti a. ZPM sawrkar chu inthlan hma a an sawi angin an awm lo, an sawi loh angin an awm zawk nia sawiin, “ZPM sawrkar chu an sawrkar hma leh an sawrkar hnu an thusawi a insual nasa hle a ni,” a ti.

MNF Vice President chuan Sawrkar kan hrawn mekah thalai beidawng an tam thu pawh sawiin, thalai beidawngte luhkhawmna buatsaih a tul thu leh Hmeichhe tana hamthatna siam chungchang MNF party chuan ngaihpawihmawh a tul thu a sawi a, sawrkar kan hrawn mek a beidawngte luhkhawmna turin MNF party chu a inbuatsaih mek niin a sawi bawk.