Serchhip-a RBD siam tharin Certificate lak dan ti thar

Serchhip khawpui chhungah Registrar of Births & Deaths Unit thar siam niin an bial tur chin pawh tihfel thar a ni.
Hemi chungchanga Addl. District Registrar of Births & Deaths, Serchhip District thuchhuah in a tarlan danin Serchhip-ah hian RBD Unit 5 awm tawhin an Bial tur a siamfel nghal a, F. Ramdinpuia, Chanmari Veng (Ph. No. 8974389455) chuan Chanmari leh P&E Veng VC Area te huamin Lalnunpuii Pautu, Bazar Hnuai (Ph. No. 9863328944) chuan Hmar Veng, S. Kawnpui leh S. Kawnpui North VC Area te a huam ang. RBD Serchhip-III ah Vanlalhuma, New Serchhip Venglai (Ph. No. 9612121861) chuan New Serchhip North leh New Serchhip South VC Area huamin RBD Serchhip-IV H. Lalengzuali, Vengchung (Ph. No. 7085461324) chuan Vengchung leh Field Veng VC Area huamin RBD Serchhip-V Lalchhuana, Dinthar Veng (Ph. No. 9089213981) chuan Chhim Veng, Dinthar leh Darnam VC area te a huam bawk ang.

Heng bakah hian Institution (Hospital) a nau piang leh mitthi te tana Certificate lakna tur pawh siam tharin District Hospital Serchhip tan Vanlalrengpuia (Ph. No. 9612857647) leh Mercy Hospital Serchhip tan PC. Lalnunpuia (Ph. No. 8132927667) hnenah lak tur a ni ang.

Nau piang leh mitthi, a hun-a Certificate la lo te tan Delayed Births & Deaths Certificate lak dan pawh tih danglam a ni ta bawk a, heng Delayed Births & Deaths Certificate la turte tan hian mahni bialtu RBD te hnenah lak tawh tur niin a buaipui dan erawh a la danglam lo a. Hetiang Certificate mamawh te chuan DC Office atangin Rs. 50/- a dilna form lachhuakin thiltel ngai zawng zawng te tihfel a nih hnuah copy hnih theuh thil telin DRO Office-ah NAC lak tur a ni anga, hemi hnu hian DC phalna in mahni Bialtu RBD ten an pechhuak tawh anga, hemi kaihhnawiha sum sen ngai te pawh RBD te hnenah hian pek tawh tur a ni dawn bawk a ni.