MSCW in case 81 ziaklut

Mizoram State Commission for Women ah nikum 2024 chhungin case hrang hrang 81 ziahluh a ni a, heng zingah hian case 71 chinfel a ni.

    Mizoram State Commission for Women-a Co-Ordinator Margaret Lalthanthuami sawi danin nikum chhungin case hrang hrang an dawn zinga 71 chu chinfel niin case dang an la chinfel loh 10 te chu Warrant issue dawna koh theih loh te leh case ngaihtuah mek te a nih thu a sawi a. District hrang hrangah Legal Awareness an neih thu sawiin, hmeichhia ten an dikna chanvo hria se tih chu an auchhuah pui ber a nih thu leh hmun hrang hrangah hetiang hian hma an lak thu a sawi. Margaret Lalthanthuami chuan Mizoram hmun hrang hrang atanga hmeichhia harsatna nei tan Women Commission chu din anih angin buaina hrang hrang an chingfel tawh tih a sawi a, Ukil rawih nana sum tam tak sen tur nei lo pawh hma an lak sak thin thu sawiin, hmeichhe dikna chanvo humhim turin hma an la zel tih a sawi bawk.