Mizoram-ah Electoral Roll thar tarchhuah niin Vote nei thei mi 8,69,813 an awm mek

Kumin January ni 1-a kum 18 tling chin te laa Electoral Roll thar siamah Mizoram pumah Vote nei thei 8,69,813 awmin Vote nei thei hi 13,516 in an pung a ni.
Election Commission of India in ruahmanna a siam angin nikum October 29 atang khan Mizoram pumah Electoral Roll hi ennawn hna thawh tan niin nimin khan District hrang hrangah Final Electoral Roll chu tarchhuah a ni a, hemi chungchanga CEO Mizoram in an tarlan danin Mizoram puma Assembly Constituency 40 awmah Polling Station 1301 a awm a, Vote nei thei mipa 420,888 leh hmeichhia 448,925, an vaiin 869,813 an awm a, Mizoram pumah Service Voters Mipa 4203 leh Hmeichhia 91, a vaiin 4294 an awm mek bawk a. Nikum January 8-ah Electoral Roll tarchhuah ah Vote nei thei 856,297 awmin kumin hian Vote nei thei hi 13,516 in an pung a ni.

Electoral Roll thar hi District tinah tarchhuah niin Final Electoral Roll en duh chuan mahni bialtu ERO/AERO/BLO hnenah emaw, DC/DEO Office-ah emaw, CEO website - https://ceo.mizoram.gov.in/ ah en theih a ni a,

India khua leh tui dik tak, kum 18 tling tawh emaw ECI in qualifying date atana a puan ni 01.04.2025, 01.07.2025 & 01.10.2025 engemaw ber a kum 18 tling hman tur te chuan mahni bialtu ERO/AERO/BLO hnenah Electoral Roll a inthun luh dilna thehluh chhunzawm zel theih a ni a. Dilna hi https://voters.eci.gov.in leh Voter Helpline App atang te in thehluh theih a ni bawk.