Minister in MADC tlawh

Health & Family Welfare Minister Lalrinpuii chuan nimin khan Mara Autinomous District Council (MADC) tlawhin Chief Executive Member (CEM) M Laikaw leh a thawhpuiten an lo dawngsawng a, Health Minister chuan MADC hotute chu Kumthar chibai bukin Siaha District mipuite tan theihtawp chhuah puiah a sawm a, Siaha District chhungaa department hnuaia Project hrang hrang hmalaknate tarlangin, hmasawnna rotling thlentu a nih ngei a beisei thu a sawi a. An mamawh te theihtawpa ngaihven pui tur leh hmalakpui zel a tum thu sawiin, Project an thehluh turte pawh a bawhzui pui zel tur thu a sawi bawk.

He hunah hian MADC CEM M. Laikaw chuan kumthar 2025-a Minister lo tlawhtu hmasa ber a nih avangin lawmthu a sawi a, ram leh hnam tan tha taka thawhhopuiah sawmin, Siaha District in a mamawh hrang hrang a tarlang a, District Hospital-a Doctor leh Nurse indaihloh thu te, ICU function theilo-a a la awm thu te, Urban Public Health Centre chungchangte, Siaha-a Nursing School chungchangte, MCHP Drop in-Centre te leh De-addict Centre/Rehabilitation Centre bakah tul leh pawimawh dângte lo sawipuiin hmalak pui turin a ngen a, Siaha District tan rah tha chhuahin hmasawnna tluantlung a thlen ngei a beisei thu a sawi bawk.