Hospital-a ramp awm lo ah lungawilohna thlen

Mizoram-a thisen pe tura lokal Prakash M. Nadar chuan Mizorama damdawi In lian ber Civil Hospital, Aizawl-a Wheelchair hmangte tana Ramp awm lo chu a hriatthiam loh thu sawiin, nimin khan lungawi lohna a lantir. Differently Able International Para Sports Champion leh World Record Achiever & Social Worker ni bawk Prakash M. Nadar chuan Mizoram sawrkar Commissioner for Persons with Disabilities-ah lehkha thawnin rualbanlo te tana Health Care Facility hman tur a awm lo chu rualbanlote pual dikna chanvo rahbehna a nih thu a sawi a, RPWD Act 2016-in a phút angin rualbanlo ten awlsam zawka damdawi In-a an inentir theih nan a rang thei ang berin sawrkar chuan hma la se a duh thu a sawi a ni.