Hnahthial District-ah thubuai 65 ziahluh a ni

Zonuna Kawlni /

Kum kalta 2024 chhung khan Hnahthial District-ah Police ten thubuai 65 ziaklutin mi 75 man an ni.

    Hnahthial Superintendent of Police Shivam Siddharth chuan nimin khan a Pisa-ah thuthar thehdarhtute kawmin kum kalta 2024 chhung khan Hnahthial Police-te chuan Hnahthial District chhungah Criminal Case 65 an ziahluh thu sawiin, heng case-ah hian thil tisualtu a puh mi 75 man an nih thu leh thil tisualtu zingah hian za zela 92 lai man an nih thu a sawi a. Krismas 2024 leh Kumthar 2025 vuakvet ah Hnahthial District chhunga NGO hrang hrang Sub-Hqrs YMA, Village Council, MJA leh Village Defence Pary (VDP) te nena thawhhona tha tak an neih avanga harsatna leh buaina awm lova mipuiten muanawm leh ralmuang taka hunpui an hmang thei chu lawmawm a tih thu a sawi bawk a ni. Hnahthial SP chuan hunpui vuakvet-a halpuah leh halmawi khapna chu mipui ten an zawm tha hle nia a hriat thu pawh sawiin, NGO hrang hrangte nen an thawhho that bakah MJA lam ten an puanzar that sak vang a nih thu sawiin, lawmthu a sawi bawk.

Comments

Post a Comment

Popular News (Last 30 Days)

FG&CC Counsellor dahnghet

Zonuna Kawlni /
Image
Mizoram Synod in Serchhip-a Family Guidance & Counselling Centre (FG&CC) a kalpui meka Counsellor tura ruat Rev. Jonathan Pachuau dahnghehna hun chu nimin khan Serchhip Kawnpui Kohhran Committee Room No. 2-ah neih a ni a, FG&CC Director Rev. Lalthangpuia Fanai chuan Counsellor thar hi dahnghetin Rev. Zai-remkima chuan tawngtai sakna hun a hmang bawk a ni. Rev. Jonathan Pachuau hi Counselling ah term hnih a awm hnuin Biate Pastor Bial enkawl tura dah a ni a, tunah hian Serchhip-a FG&CC ah dah leh niin Rev. Rolungmuana Zadeng chu a thlak a ni.
Kimchang zawkin »